Kişilər Ticarət Mərkəzi

Şəhərlərin birində qadınların özlərinə ər seçib ala biləcəyi ticarət mərkəzi açılır. Ticarət mərkəzinin girişində bu mərkəzin iş qaydalarının məcəlləsi asılmışdı, orada belə yazımışdı:

1. Siz Ticarət Mərkəzinə yalnız bir dəfə gələ bilərsiniz.

2. Mərkəzdə 6 mərtəbə vardır, kişilərin keyfiyyəti mərtəbənin sıralanmasının artmasına görə dəyişir.

3. Siz istənilən mərtəbədə istənilən kişini seçə bilərsiniz və ya seçiminizi davam etdirmək üçün yuxarı mərtəbəyə də qalxa bilərsiniz. 

4. Lakin yuxarı mərtəbəyə qalxdıqdan sonra aşağı mərtəbəyə enmək qadağandır. 

Bir qadın özünə yoldaş axtarmaq üçün adı çəkilən həmin "Kişilər Ticarət Mərkəzi"nə baş çəkmək qərarına gəlir. Girişdə "İşi olan kişilər" yazılmış tablonu oxuduqdan sonra, cəld ikinci mərtəbəyə qalxır. 

Kişilər banan kimidir

Kişilər hava kimidir...

Onları heç nə dəyişdirə bilməz...

Kişilər banan kimidir...

Nə qədər yetişmiş olsalar, bir o qədər yumşaq olarlar...

Kişilər yelləncək kimidir...

Bəzən onlara görə insanın başı gicəllənir...

Kişilər süd kimidir...

Onları yaddan çıxartdıqda, aşıb-tökülürlər...

Kişilər reklam kimidir...

Və sən onların bir kəlməsinə də inanmırsan...

Mistik yardım və ya 20 saat

Bir insan mütəxəssis olmaq üçün nə qədər zaman sərf etməlidirmi? Peşəkar insanlara tamaşa edin. Onlar bu səviyyəyə necə gəlib yetişiblər? Bəzən bizə deyirlər ki, filankəs yatdı yuxuda filan şey gördü, ayıldı gördü alimdir. Və ya getdi hansısa bir ziyarətgaha filan namazı qıldı və gördü ki, o fizika üzrə mütəxəssisdir. Bizlər də sərgərdan qalırıq. Elmi kitablardan daha çox dini dükanlara üz tutur, "ismi-əzəm" duası axtarırıq ki, oxuyub "əllamə" olaq. Və ya pir-ziyarətgahlara gedirik ki, hansısa xarici universitetə daxil olmaq üçün yalvarıb-yaxaraq, səhər bizi imtahansız-zadsız universitetə qəbul etsinlər. Belə bir şeyin həyata keçməsini ədalət hesab edirsinizmi? Yəni Allah o qədər ədalətsizdir ki, bir namaz qılmaqla sizi, layiq olmadığınız yerə ezam etsin? 

Ən gözəl qadın kimdir?

Qeyd etmək lazımdır ki, məhz qadınlar, bütün həyatları boyu gözəllik, gənclik və cazibədarlıq arxasınca qaçırlar. Amma bir şey var, görəsən doğrudanmı bu belə zəruridir? Məgər qadın yalnız cazibədarlığı və gözəlliyi əsasında təyin olunur? Doğrudanmı qadının xarici görünüşü onu qadın edir? Bu sualla bağlı, gəlin, ibrətli bir hekayəyə diqqət salaq:
"Bir dəfə kişilər bir yerə yığılaraq, kainatda ən gözəl qadın necə olmalıdır, deyə mübahisə etməyi qərarlaşdırdılar.
Bir kişi parıltılı qəhvəyi gözləri, digəri, əksinə - boz rəngə çalan, başqa birisi isə mavi rəngli gözləri sevdiyini deyir. Birinin qısa saçlardan, digərinin əksinə - uzun saçlı qadından xoşu gəldiyini deyir. O biri kişi isə kişilərin buruqsaçlı qadınlardan xoşlandığını dilə gətirir. Kişilərdən biri deyir ki, kişilər hündürboy, ətli, qamətli qadınları xoşlayırlar, O birisi deyir ki, xeyr, əksinə, incə, zərifqamətli qadınlar daha gözəldir. Hər biri öz fikrinin doğru olduğunu iddia edir.
Onların heç biri digərini razı sala, qane edə bilmir. Buna görə də müdrik qocanın yanına gəlib, məsələni onunla dəqiqləşdirməyi qərara alırlar. 

Bu 12 məsləhəti hər gün yerinə yetirin və nəticəsini özünüz görəcəksiz.

1. Gecə qida qəbul etməkdən çəkin və 1-2 həftə ərzində ac qarına yat. Buna riayət etməklə sən yüngül və aydın yuxular görəcək və hər səhər yuxudan gözəl əhval-ruhiyyədə ayılacaqsan.
2. Bir həftə qaməti dikəldərək gəz və otur. Buna riayət edərək görəcəksən ki, hafizən necə güclənəcək və sən daha tez qavramağa başlayacaqsan.
3. Dükandan alınmış limonad və istənilən qazlı suyu içməkdən çəkin. Buna riayət edərək görəcəksən ki, adi su nə qədər dadlıdır və susuzluğu yatırmaq üçün elə də çox su içməyə gərək qalmır.

Bəs siz olsaydız nə edərdiniz?

Ata və onun iyirmi dörd yaşlı oğlu qatarda gedirdirlər. Gənc oğlan pəncərəyə baxdı və sevincək halda dedi: "Ata, ay ata, ora bax, deyəsən ağaclar yanımızdan uça-uça keçir". Ata mülayimcə gülümsədi. Onların yanında oturmuş ər-arvad gənc bir oğlanın özünü uşaq kimi aparmasına üzülür və təəssüf edir, arabir altdan-yuxarıya onu süzürdülər. 

Gənc oğlan birdən yenidən qışqırdı: "Ata, ay ata, ona bax, buludlar arxamızca düşüb". 

Dua haqqında düşüncәlәr

1. Dua problemin sözlәr vasitәsilә aydınlaşdırılması vә ifadә edilmәsidir. Biz dua edәrkәn nә istәdiyimizi özümüz üçün dә aydınlaşdırırıq. Dua edәrkәn problem qabardılır, onun hәlli yolları da insan üçün müәyyәnlәşir.

2. Dua etmәk bizim yalnız olmadığımızı göstәrir. Bilirik ki, danışarkәn bizi dinlәyәn var. Bizә danışmağa macal verir. Bu, insanda qәlbi rahatlıq bәxş edir. Bu hәm dә pulsuz ünsiyyәt vasitәsidir. Psixoloq bizdәn bunun әvәzindә pul istәyәcәk, başqa insanların isә bizlә dәrdlәşmәyә vaxtı çatmayacaqdır.

3. Dua insana enerji verir. Mütәmadi dua edәn şәxs mәqsәdi uğrunda cәhdlәrini dә intensivlәşdirir vә sәy göstәrir.

4. Dua etmәk insanın mәnfi yükünü azaldır, onu stresdәn qoruyur. Dәrdini paylaşa, dilә gәtirә bilmәyәn insan yüklәnmiş olur vә nә etdiyini bilmir.

Sәn hәlә dә özünü bәdbәxt sayırsan? (Psixoloji motivasiya)

Belә bir optimist hәyat tәrzi vardır. Bu günlә yaşamaq. Ay dostlar, gәlin siz dә, mәn qarışıq bir vәrәq götürәk. Orada sadalayacağım şeylәri yazaq vә әmәl edәk. Әgәr sizdә müәyyәn bir vaxtdan sonra (әn azı 40 gün) hәr hansı bir dәyişiklik olmasa mәnә nә deyirsiz, deyin. Proqramın adı «Mәhz bu gün»dür.

1. Mәhz bu gün mәn xoşbәxt olacağam. Linkolnun sözü olmasın, insanlar xoşbәxt olmaq üçün nә qәdәr qәrarlıdırlarsa, bir o qәdәr xoşbәxtdirlәr. Xoşbәxtlik bizim içimizdәdir. Onu kәnarda axtarmaq lazım deyil.

2. Bu gün mәn hәr şeyi olduğu kimi qәbul edәcәyәm. Yәni hәr şeyi öz arzu vә istәklәrim әsasında olmasını kәnara qoyacam. Ailәmi, dostlarımı olduqları kimi sevәcәyәm. 

Dostlar ilə "ən yaxşı dostlar"ın fərqi

Bilirəm ki, sizin də belə "yaxın dostlarınız" vardır :) 

Dostlar yeməyin axırını sənin üçün saxlayarlar. 

Ən yaxşı dostlar isə yeməyin axırı nədir, hətta tavanın dibini də çörəklə siyirib, səni ələ sala-sala gülərlər. 

***

Dostlar evə gəlməmişdən öncə sənə zəng edib xəbərdarlıq edərlər. 

Ən yaxşı dostlar isə xəbərdarlıq etmədən gələrlər, bir də ayılarsan ki, evin içindədirlər. 

***

Dostlar onlara nəsə lazım olsa, götürmək üçün əvvəlcə səndən icazə alarlar. 

Ən yaxşı dostlar isə əllərinə nə gəldi götürüb istədikləri kimi istifadə edərlər. 

Nə üçün kişilər fahişələrə meyl edirlər? (Psixoloji araşdırma)

Araşdırmalar nəticəsində məlum olub ki, yüngül əxlaqlı qadınlara meyl edən kişilər həqiqətdə bir gecəlik intim xidmət qarşılığında fərqli bir şey umurlar. Mütəxəssislər qeyd edir ki, istədiklərini səhv yerdə axtarsalar da, onların həqiqi axtarış istəyi sevgi və bağlılıqdır. Məsələnin həqiqi tərəfi budur ki, bu kişilər öz cütlərinin axtarışı üçün pul da xərcləməkdən çəkinmirlər.

Corc Vaşinqton universitetinin amerikalı müəllifləri Kristin Milord və Ronald Vayser yeni bir araşdırma üzərində çalışıblar. Bu araşdırma internet forumda paylaşılmış 2442 paylaşımın analizindən ibarətdir. Həmin bu paylaşımlarda müştərilərin intim xidmətçi seçimi və onlarla olan təcrübələrindən söz açılır.

Bu cümləni işlətməyə qorxuruq! (İbrətamiz)

1-ci kurs
O, partanın kənarında duraraq, kədərli bir sima almışdı. Yaxınlaşdım, nə baş verdiyini soruşdum. Sən demə, cəbr dərsindən müəllim izah etdiyi dərsi başa düşməmişdi. Sözsüz ki, buna biganə qala bilməzdim. Mən ona yardım əlimi uzatdım. O, təbəssüm etdi, mənə dedi ki, mən onun dünyadakı ən yaxşı dostuyam. Amma mən onu sevdiyimi deyə bilmədim. Qorxdum...
2-ci kurs
O, mənə zəng etdi. Xahiş etdi ki, "Sevinc" kafesinə gəlim. Hönkür-hönkür ağlayırdı, ailə qurmaq istədiyi oğlan onu başından etmişdi. Biz kafedə oturaraq maraqlı bir film izlədik. Axşamüstü, artıq gec olduğunu deyərək ayağa qalxdı. Üzümə baxıb, təbəssüm etdi. Mənə dedi ki, dünyada məndən yaxşı insan və dost yoxdur. Mən isə onu sevirəm, amma bilmirəm, bunu ona söyləməyə nə üçün qorxuram?

Bəlkə, səhv olan elə sizsiz?! (İbrət götürəcəyimiz hadisə)

Bir qız hava limanında uçacağı reysi gözləyirdi. Müəyyən texniki problemlərə görə reys bir neçə saatlıq təxirə düşdü. Çarəsiz qalan qız bu bir neçə saatdan səmərəli istifadə etmək fikrinə düşdü. Dükanları gəzərək özünə bir kitab və bir qutu peçenye aldı. Gözləmə salonuna geri döndü, kresloda əyləşib yerini rahatladı. Qızın yanındakı boş oturacaqda bir qutu peçenye, həmin oturacağın yanındakı oturacaqda isə bir kişi oturmuşdu. Kişi əlindəki jurnala diqqətlə baxaraq, maraqla səhifələrini vərəqləyirdi. Qız qutudan bir peçenye götürdü, kişi də əlini uzadıb bir peçenye götürdü. Bu qızı çox əsəbləşdirdi, amma səsini çıxartmadı, əsəbləşsə də mütaliəsinə davam etdi. O, hər dəfə bir peçenye götürəndə, ondan dərhal sonra kişi də bir peçenye götürürdü. Qız özündən çıxmışdı, ürəyində kişini lənətləyirdi, amma hava limanında mübahisə salmaq istəmirdi.

O yaşlı bir ədib idi...

O yaşlı bir ədib idi. Saçları ağarmış, qəddi əyilmişdi. Uzun sürən həyatında çəkdiyi iztirablar yaşlı sifətində həkk olunmuşdu. Elə bil, getdiyi tikanlı, toz-torpaqlı, palçıqlı, əyri-üyrü yollar üzündəki qırışlarda gizlənmişdi. Ədibin təkcə gözləri dəyişməmişdi. Gənc çağlarında, gözəl təbiət qoynunda sevgilisinə məktub yazarkən, arabir başını yuxarı qaldırıb təbiəti müşahidə edən parlaq gözləri heç dəyişməmişdi. Bircə fərq vardı, taqətdən düşüb tarımlığını qoruya bilməyərək gözlərin üstünə yıxılmış kələkötür qırışlar onların üzərini örtməyə çalışırdı, amma gözlər məğlub olmur vüsudunu göstərməkdə israrlı idi. Onun qəhvəyi gözləri gəncliyini qoruyub saxlaya bilməyən, amma qəlbi gənclik şövqü ilə alışıb-yanan bir qocanın gözləri idi. Yaşlı ədibin gözlərinin dəyişməz qalması, baxışlarına da təsir göstərmişdi.

Vətən nədir?

Vәtәni sevmәyәn insan olmaz Olsa da ol şәxsdә vicdan olmaz. (A. Səhhət)

Vәtәn sözü bir mәfhumdur Şeir yazmış, Dastan qoşmuş, Әfsanәlәr uydurmuşdur, Bәli, fәrqli anlam üçün Fәrqli nәticә donuna Bürünmüş bir toplumdur.

Nәdir vәtәn? Bilirsәnmi, Yox, әlbәttә! Qınamıran İnanmıram Saxta sözdәn doyammıram, Etirazdan utanmıram, usanmıram... Söylә mәnә yekәqarın arsız harın söylә, tez ol, vәtәn nәdir?

Nə üçün gözəllikləri görə bilmirik? (Qoca müdrikdən ibrətamiz dərs)

Qoca müdrikdən ibrətamiz dərs (Nə üçün gözəllikləri görə bilmirik?)

Günlərin bir günü qoca müdrik dostuna deyir:
- Oturduğumuz otağa yaxşıca göz gəzdir. Otaqda qəhvəyi rəngdə hər nə varsa yadında saxlamağa çalış.
Otaqda qəhvəyi rəngdə çox şey vardı. Müdrik qocanın dostu çətinlik çəkmədən, çox qısa bir vaxtda verilmiş bu tapşırığın öhdəsindən məharətlə gəldi. Cavab vermək istəyirdi ki, müdrik qoca sözünü kəsərək ikinci tapşırığı açıqladı:
- İndi isə, gözlərini yum və göy rəngdə olan bütün əşyaları bir-bir say!

Puç olmuş yaxşılıq (hekayə)

Tural təhsil almaq üçün 4 il yaşadığı Fransadan doğma vətəninə yenicə qayıtmışdı. O, çətin şəraitdə təhsil alır, gözünü yalnız, alacağı tələbə təqaüdünə dikirdi. Orada kirayə ev tutub qala bilmədiyi üçün, kasıb, yalnız humanist rəftarın hökm sürdüyü bir ailədə qalırdı. Onun üçün ayrılmış kiçik bir  otaqda saatlarla oturar, elmin dərin sirlərinə yiyələnməyə çalışardı. Turalın başı özünə, elmə o qədər qarışmışdı ki, oxuduğu təhsil ocağı və yaşadığı evdən başqa, demək olar ki, heç yeri tanımırdı. Bunu özünə dərd etməyən çalışqan tələbə ekskursiyasını kitablar üzrə aparmaqla kifayətlənirdi. Tural uşaqlıqdan yaxşı bir cəmiyyət içində yaşamağı arzu edirdi. Çağdaş zamanəmizdə bir çox görkəmli şəxsiyyətlərin bu istiqamətdə göstərdikləri təlaş barədə yaxşı məlumatlıydı. Bəzən, "Onlar edə bilməyib, mən hardan edəcəyəm ki?" tipli suallarla qarşılaşır, bunu hiss edən müəlliminin motivasiyası sayəsində fikrindən dərhal dönürdü.

Zəhərli çiçək (Qadın ərindən başqasını sevərsə...)

Bir gün evin böyük qızı məsləhət almaq üçün anasının yanına gəlir. Yarı utancaq, yarı qorxaq halda asta səslə anasına deyir:

- Ay ma, ərimi nə qədər sevdiyimi sən yaxşı bilirsən. Amma bu yaxınlarda qarşıma başqa birisi çıxıb, heç bilmədim necə oldu. İnan, inan, istəmirdim. İndi bütün fikirim-zikrim yalnız onun yanındadır. Onu düşünürəm, düşündükcə həyəcanlanıram, daxilim lərzəyə gəlir. Sanki bir anlıq ruhum bədənimi tərk edəcəkdir. Nə qədər çalışıram, alınmır... ay ma, mən ərimə xəyallarımda belə xəyanət etmək istəmirəm, lakin o biri oğlanı qəlbimdən çıxara da bilmirəm. Bu lənətə gəlmiş hissi necə məğlub edə bilərəm. Hə? Ay ma, nolar mənə kömək et! Nə edim, hə?

100 manatlıq əskinaz (İbrətamiz hekayə)

Tanınmış psixoloqlardan biri seminarlarından birində 100 manatlıq əskinazı əlində tutaraq yuxarı qaldırdı. Zalda 200-ə yaxın insan vardı. Psixoloq üzünü izləyicilərə tutaraq dedi:

- Bu 100 manat pulu kim istəyir?

Zaldakılar düşünmədən cəld əl qaldırdılar. 

- Yaxşı, pulu sizdən birinə verməmişdən qabaq bir şey edəcəyəm – deyə, psixoloq onu maraqla izləyənlərin reaksiyalarını müşahidə etməyə başladı. Pulu ovucunda əzməyə başlayan psixoloq sözünə davam etdi:

- Hə, bəs indi, pul istəyən var?

Əllər əvvəlki kimi havaya qalxdı. 

Harland Devid Sanders və KFC

KFC-ni tanımayan yoxdur. İndi hara baxsan bu yemək məntəqəsini görə bilərsiz. Bu "fast-food"çular haqqında ancaq mənfi söz söyləyirik. Amma bəzən həqiqəti də qəbul etmək lazımdır. O da, bu şəxslərin ağır və keşməkeşli həyat tərzləridir. Harland Devid Sanders adını bəlkə də az eşitmisiz. Bu şəxs polkovnik Sanders kimi də tanınır. Atasız böyüyüb, ana və bacısı ilə birlikdə kasıb həyat tərzi yaşayıb. 65 yaşına qədər harda gəldi işləyib. Özü üçün kiçik restoran açmaq arzusunda idi, amma müflis oldu. Daha sonra o, qeyri-adi toyuq reseptini xatırlayır və ideyanı aşpazlara satmağa çalışır. Bu yaşlı təqaüdçü və uğursuz adama bütün restoran sahibləri gülməyə başlayır, onu məsxərəyə qoyurlar. Amma qoca kişi məğlub olmaq istəmirdi. 1006 rədd cavabı aldıqdan sonra, axır ki, birinci müqaviləsini imzalamağı bacarır. 

Uğur qazanmış Coan Roulinq

Coan Roulinq məşhur "Harri Potter" romanının müəllifidir. Romanın ideyası 1990-cı ildə zehninə gəlmişdir. Növbəti yeddi ildə o, işindən məhrum olur, ərindən boşanır, kasıbçılıq içərisində yaşayır. 1997-ci ildə "Harri Potter" silsiləvi romanının birinci hissəsini nəşr etdirir. İndi o, Böyük Britaniyada əsəri ən çox satılan müəllifdir. Beş il müddətində o, səfillik və kasıbçılıqdan multimilyarder məqamına qədər yüksəlməyi bacarmışdır. 
Hə, indi burda feminizm, alın yazısı, qədər, naxışı gətirdi, bəxti gətirdi, it olasan bəxtin olsun və s. məsələlər keçərlidirmi? Tək qalmış qadın bunu bacardı, biz isə hələ də deyinirik...

Bir uğurun hekayəsi (Düşünməyə dəyər)

Yeddi yaşı olarkən evin pulunu ödəyə bilmədikləri üçün ailəsi ilə birlikdə evdən qovuldu... Özünü və yaxınlarını dolandırmaq üçün kiçik yaşlarından işləmək məcburiyyətində qaldı... Doqquz yaşı olarkən anası vəfat etdi. 22 yaşında dükanda işlədiyi kuryerlik işini itirdi. Hüquqşünas olmaq istəyirdi... amma bunun üçün kifayət qədər təhsilə malik deyildi. 23 yaşı olarkən kiçik bir dükanda şərik olmaq üçün borc-xərcin içinə girir. 26 yaşı olarkən şəriki ölür və arxasınca külli miqdarda borc buraxır ki, uzun müddət bu borcu ödəmək lazım gəlir. 28 yaşı olarkən dörd il müddətində görüşdüyü bir xanıma evlənmə təklif edir, amma təklifi rədd edilir. 37 yaşında, üçüncü cəhddən sonra Konqressə seçilir, amma iki ildən sonra yenidən seçilə bilmir. 41 yaşı olarkən dörd yaşlı oğlu ölür. 45 yaşında Senata daxil olmağı yoxlayır, amma bu cəhdi uğursuzluqla nəticələnir. 51 yaşında onu Amerika Birləşmiş Ştatlarının prezidenti seçirlər. Bu insanın adı Avraam Linkolndur.

Gənc əsgər (hekayə)

(Hekayədə işlətdiyim bəzi sözlərə görə qabaqcadan üzr istəyirəm)
- Ə çubuş (yəni çavuş), tez ol, qaç Məmmədov küçüyü bura çağır! Cəld ol!
- Oldu, cənab gizir. 
Cəld qaçaraq ikinci mərtəbəyə çıxan kiçik çavuş Quliyev kazarmaya daxil olaraq Məmmədovun çarpayının üstündə oturaraq papağına kakarda tikdiyini gördü.
- Dur qaç aşağı, cəld.
- Niyə? 
- Gizir Əmiraslanov səni çağırır, cəld!
- Yaxşı. (Ayağa qalxaraq əlindəkiləri tarıma çəkilmiş çarpayısının üzərinə qoydu. Kitelini əyninə geyərək, kəmərini tarım şəkildə bağladı və aşağı endi)
- Bəli, cənab gizir, məni çağırmısız.

Bunları edərək özünüzü bədbəxt etməyin!

Gəlin, bu gündən yeni həyata başlayaq. Deyirlər ki, keçmişə qayıdaraq ötüb-keçənləri dəyişmək imtiyazı heç kəsə verilməmişdir. Amma hər birimiz aqibətimizi xeyirli və uğurlu edəcək yeni başlanğıc nöqtəsini seçə bilərik. Bunun üçün bəzi şeyləri həyatımızdan kənarlaşdırmalı, bizi durdura biləcək hərəkətləri etməkdən çəkinməliyik.

1.Sizə uyğun gəlməyən insanlara vaxtınızı sərf etməyin
Həyat çox qısadır. Enerjinizi tükədən, mənfəətləri üçün istifadə edən insanlara ömrünüzü sərf etməyə dəyərmi?! Kimsə sizi öz həyatında dəyərli biri kimi hesab edirsə, rahatlığınızı təmin edəcək hər bir şeyi edəcək. Daha kiminsə həyatında yer tutmağa bu qədər can atmağa ehtiyac qalmayacaq. Dəyərinizi aşağı salan, işinə yaramadıqda sizi alçaldıb, ehtiyac duyduqda üzr istəyərək yaltaqlanan insanlardan uzaq durun.

O sillə

O sillə...
O sillə ki, atam həyatımda ilk dəfə üzümə çəkmişdi. Gözləri əsəbdən bərəlmiş, təngənəfəs halda. O sillədə nələr yatmırdı?

O sillədə nəsihət öz bacarığını itirmişdi, susmuşdu. Qəzəb isə dominant ruhla qanadlarını açmışdı. O sillədə illər boyu pis əmələ qarşı nifrət və onun məhv edilməsi uğrunda hayqırtı dururdu. O sillədə inqilab, mübarizə eşqi kulminasiya nöqtəsini almışdı. O sillədə mülayimlik, gülərüzlük əsir düşmüşdü.

O sillə varlığın zülmə qarşı hönkürtüsünü aşkara çıxartmaq üçün bir vasitəyə çevrilmişdi. Bəlkə də qəfil idi... Bəlkə də bir az sakit durmaq onu əsrlərcə sönmüş vulkan kimi dərin yuxuya salacaqdı. Bəlkə yenə də "geri" düyməsini tıklayaraq hər şeyi yenidən başlamaq arzusunu yaşadacaqdı... Bəlkə də...

Nə üçün gizli günahlardan qorxuruq?

Gizli günahlar insanın xüsusiyyət və strukturunu müəyyənləşdirir

İctimaiyyət arasına çıxan insan bu xüsusiyyətinə görə sayılır və seçilir. Bu əməl insanın gizli şifrəsini qeyb elminə malik şəxslərin əlinə verir. Günah günahdırsa, onun gizli olması nə üçün daha qabarıq şəkildə, həyəcanla ifadə olunur?

Gizli günah dedikdə, insanın gözlərdən kənarda qalaraq günah etməsidir. Cəmiyyət qarşısında günah etdikdə onun gözdən düşüb başına sərki vurulma ehtimalı çoxalır. Bu həm də kompleks xəstəliyindən irəli gəlir. Gəlin, gizli günahlara aid bir neçə misal çəkək:

Kitab haqqında düşüncələr

Fransız filosofu Klod Adrian Helvetsi deyir: “İnsanlar kimi, kitablar arasında da yaxşı və pis cəmiyyətin içinə düşmək mümkündür.”

“Hamı kitab oxumalıdır!”, “Boş-boş oturma, kitab oxu!”, “Kitab oxumayan cəmiyyət bədbəxtdir!” kimi ifadələri yəqin ki, siz də eşitmisiz.

Boş qab çox səs çıxartdığı kimi, boş və natamam bilikli insan da çox səs-küy salır.

GÜLÜMSƏYƏN QIZ

Bu yazını ikinci dəfə, təkmilləşdirərək siz oxuculara təqdim edirəm.

Gülümsəyən qız hər gün ən azı bir rəsmini paylaşır. O, hər şəklində gülümsəyir, sadəcə gülümsəyir.  Bu gülüşün səbəbini özündən başqa heç kəs bilmir. Hamı onu şən, zarafatcıl, istiqanlı biri kimi tanıyır, onun arabir səbəbsiz küsməsi də heç kəsdən gizli deyil. Hər adamla ünsiyyət qurmur, hər adamla oturub-durmur. Onun öz dünyası var və həmin dünyada xəyali varlıqlar yaşayır.

Bunu etməsən sənə nə deyərlər?

İnsan dünyaya gəldiyi gündən bu dünyadan köçənə qədər “cəmiyyət atmosferinin” təzyiqi altında yaşayır. Əvvəlcə valideynlər övladlarını bu mənfi əhval-ruhiyyədə böyüdürlər. Daha sonra özü bu axara düşərək, məhdud həyatını yaşayır və bu ənənəni davam etdirərək gələcək nəslə ötürür. İş o yerə çatır ki, şəxs qəsavət bağlamış bu ideya ilə qəbir evinə yollanır. Cəmiyyətimizin sağalmaz yarasına çevrilmiş bu xəstəliyin çox böyük mənfi təsirləri var.

Gəlin, araşdırma apararaq cəmiyyətin və fərdin nəzərini incələyərək nəticə çıxarmağa şalışaq:

Bəzi inanılmaz faktlar

- Əgər "Coca-cola"nın rəngini dəyişməsəydilər, onun rəngi yaşıl olacaqdı.

- Dünyanın ən gənc valideynlərinin 8 və 9 yaşları olub və onlar 1910-cu ildə Çində yaşayıblar

- Uinston Çörçill ziyafət məclisində, tualetdə anadan olub.

- Siendə, adı Mariya olan qadınlar fahişəliklə məşğul ola bilməzlər.

ABŞ prezidentlərinin faciəvi taleləri

Bu tarixi fenomeni sadəcə təsadüf adlandırmaq çox çətindir. Demək olar ki, sonu sıfırla bitən illərdə seçilmiş Amerika prezidentləri faciəvi tale yaşamışlar. Onların siyahısı budur:

Avraam Linkoln - 1860-ci ildə seçilib, qətlə yetirilib;

Ceyms Qarfild - 1880-ci ildə seçilib, ölümcül yaralanıb;

Uilyam Makkinli - 1900-ci ildə seçilib, qətlə yetirilib;

Con Kennedi - 1960-cı ildə seçilib, ölümcül yaralanıb;

Tarixin sirli təsadüfləri

1. Linkoln 1860-cı ildə ABŞ prezidenti olub. Kennedi isə 1960-cı ildə. Fərq - 100 il.

2. Hər ikisi cümə günü, həyat yoldaşlarının yanında - başından güllə ilə vurularaq öldürülüblər.

3. Linkolndan sonra Endryu Conson prezident olub (1808-ci ildə anadan olub), Kennedidən sonra isə Lindon Conson (1908-ci ildə anadan olub). Fərq - 100 il.

4. Hər ikisi cənublu, diplomat, prezident olmamışdan qabaq senator olmuşlar.

5. Linkolnun qatili 1829-ci ildə, Kennedinin qatili isə 1929-cu ildə anadan olub. Fərq - 100 il. Hər iki qatil məhkəmədən əvvəl öldürülüb.

6. Linkoln "Kennedi" teatrında öldürülüb. Kennedi "Linkoln" avtomobilində qətlə yetirilib.