Vətən nədir?

Vәtәni sevmәyәn insan olmaz Olsa da ol şәxsdә vicdan olmaz. (A. Səhhət)

Vәtәn sözü bir mәfhumdur Şeir yazmış, Dastan qoşmuş, Әfsanәlәr uydurmuşdur, Bәli, fәrqli anlam üçün Fәrqli nәticә donuna Bürünmüş bir toplumdur.

Nәdir vәtәn? Bilirsәnmi, Yox, әlbәttә! Qınamıran İnanmıram Saxta sözdәn doyammıram, Etirazdan utanmıram, usanmıram... Söylә mәnә yekәqarın arsız harın söylә, tez ol, vәtәn nәdir?

Ya sәn söylә ey pul verib medal alan, titul kalan Bir ad üçün minbir minnәt altda qalan Qardaşın şәhiddir deyә Göydәlәnlәr, market alan Dövlәtini edәn talan Söylә görüm vәtәn nәdir?

Sәn ey müәllim, sәn ey şair Heç bilmirsәn yazmısan sәn nәyә dair Sәn ey hәkim, sәn ey zabit Nә üstündә әsgәrlәrin yara basıb, başlarını basıbdı bit? Sәn ey vәkil kimin haqqın qoruyursan? Sәn ey mәmur kimin malın kimdәn, kimdәn oğruyursan? Ey xaricdә diaspora saxlayan kәs qadın, gözәl saxlamırsan Qaldır başın, söylә mәnә vәtәn nәdir?

Nәdir vәtәn, üzәrindә gәzişdiyin qara torpaq? Nәdir vәtәn, payız vaxtı qorxub rәngi sәnin kimi sarı olan, quru yarpaq? Nәdir vәtәn, ozon qatın dәlmәdeşik edib, zәhәrlәyib fәxr duyduğun asimanmı? Ya çirklәnmiş, nәcis iyli dәnizinә sәrhәd olmuş uçuq, sökük bu limanmı?

Heç özündә bilmәyirsәn nәdir vәtәn And olsun o Xәtaiyә, Babәkinә heç bilmirsәn nәdir vәtәn!

Sәn dediyin vәtәn mәnim nә gәrәyim, O var olsun, zay olaraq uçsun göyә zәhmәt, tәrim? Vәtәn adı qoyduğun bu torpaq sabah sәni udar, mәzarında kollar bitәr budaq budaq. Nәvәlәrin Qarabağın sağlığına vurar araq, Bu vәtәndә zalım belә hakim olar, BP, sair şirkәtlәr dә eylәr maraq. Onlar yeyәr, kasıb fәhlә qalar qıraq. Zülmәt çökәr, aydınlığa çıxammazsan Bir işıqçun tapammazsan sәn bir çıraq.

Mәnә elә vәtәn söylә ölüm onun uğrunda mәn sabah yağı әllәrindә olmasın o torpağında әxlaqsızlıq yuvaları, qumarxana, pivәxana, mehmanxana Yad sәlәmçi insanlarla dolmasın o

Görürsәnmi, vәtәn üç dörd metr olan bir yer deyil şeirlәrdә bağ dağ deyәn mәskәn deyil o bağlarda yağı yatır o dağlarda әğyar qara atlar çapır

Zәrrә qәdәr sevgi yoxdur vәtәn yalnız lağlağıdır oğlu ölmüş bir anaya mәrsiyәyçün bir ağıdır sәn vәtәnin haqda şeir söylәyәrkәn dost bildiyin sәrvәtini külfәtini, millәtini hey dağıdır.

Bәlkә illәr lazım sәnә vәtәn nәdir öyrәnәsәn Çәtin alınar bu işin, sәn vәtәnә bir lәkәsәn!

Fərid Abdullah