Rozanna Kasper – amerikalı yazıçı və sahibkardır. O, Viskonsin ştatında – Miluokidə yaşayır və üç övlad böyüdür. Rozanna 30 günlük çellenclərə üç il öncə, öz davranışlarını dəyişmək, nizam-intizamını artırmaq, yeni və maraqlı bir şey öyrənmək, habelə daha sağlam, enerjili və səmərəli olmaq istədiyi zaman başladı. Yavaş-yavaş meditasiya etməy, tikiş tikməyi və italyanca danışmağı öyrəndi, şikayətlənməkdən əl çəkdi, şəkər qəbul etməkdən imtina etdi, gitarada ifa etməyi öyrəndi, qeydlər aparmağa başladı və gün ərzində 15 dəqiqə “planka” vəziyyətində dayandı.
Kitab azhəcmlidir, sadə dildə yazılıb.
Biroturma oxumaq mümkündür. Mən kitabdan bəzi hissələri tərcümə edib
paylaşıram.
Otuz günlük çellenci necə sona çatdırmaq olar?
Bunun üçün bir neçə açar strategiya var:
Bir dəfəyə bir işi tamamlayın; öncədən
götür-qoy edin və qrafik tutun; qərarınızı açıq şəkildə ətrafa bəyan edin;
yardım axtarın; tədricən vəziyyəti (ətrafınızdakı abu-havanı, şəraiti) dəyişməyə
çalışın; ehtiyat variantlar düşünün; vizual stimullardan istifadə edin;
proqresi ölçün; əgər səhvə yol vermisinizsə, bu o demək deyil ki, məğlub
olmalısınız; lüğətinizdən “edə bilmərəm, çünki” ifadəsini çıxarın”.
Müəllifin gətirdiyi 60 çellenci aşağıda qeyd
edirəm. Onu da yazım ki, müəllif hər bir çellencin ətrafında duraraq bir az
ondan söz açır, qayda və alternativlərini göstərir.
Birinci fəsil: Fitnes
1 - Hər gün qaçın;
2 - Otuz günlük fiziki məşğələlər;
3 - “Planka” məşğələsini gün ərzində beş dəqiqə
yerinə yetirin;
4 - Otuz gün yoqa;
5 - Hər gün 10000 addım gəzmək;
6 - On dəqiqəlik stretçinq;
7 - Pilləkanlar üzərində idman.
İkinci fəsil: Qidalanma
8 - Otuz gün şəkərsiz;
9 - Ətdən imtina;
10 - Hər gün 7-9 pors meyvə-tərəvəz yeyin;
11 - Eliminasiya (kənarlaşdırma) pəhrizi;
12 – Qısamüddətli aclıq;
13 – Gün ərzində 8-10 stəkan su için;
14 – Hər gün sağlam səhər yeməyi yeyin;
15 – Gündəlik yaşıl smuzi qəbul etmək (smuzi
– blenderdə çəkilmiş qatılaşdırılmış içki formasıdır);
16 – Gün ərzində üç dəfə evdə hazırlanmış
yemək qəbul edin;
17 – Qida gündəliyi tutun;
18 – (Düzgün şəkildə) diş sapından istifadə
edin.
Üçüncü fəsil: Özünə qulluq etmək
19 – Soyuq duş qəbul edin;
20 – Heç bir şikayət, qeybət və mühakimə;
21 – Gün ərzində otuz dəqiqə təmiz havada
vaxt keçirin;
22 – Tez-tez gülün;
23 – Hər gün diqqət və səliqə ilə geyinin;
24 – Sağlam yuxu.
Dördüncü fəsil: İdrak
25 – Gündə 10 dəqiqə meditasiya edin;
26 – Affirmasiyalar yazın;
27 – 10 dəqiqə vizualizasiya;
28 – Dərin ehtiram axtarın;
29 – Ali Qüvvəyə müraciət.
Beşinci fəsil: Səliqəli və səmərəli olmaq
30 – Qeydlər aparmaq;
31 – Minnətdarlıq gündəliyi tutun;
32 – Yuxuları qeyd edin;
33 – Şüurlu yuxugörməni təcrübədən keçirin;
34 – Xəbərləri oxumamaq, izləməmək, dinləməmək;
35 – Nizamsızlıqdan qurtulun;
36 – Hər səhər yatağınızı səliqə ilə yığın;
37 – Xərclərinizə diqqət edin;
38 – Heç bir şoppiniq;
39 – Sübh 5-də oyanın.
Altıncı fəsil: Netvörkinq və münasibətlər
40 – Rəqəmsal səliqəsizliyi sahmana salın;
41 – Tədrici rəqəmsal detoksikasiya;
42 – Günlük məqsədlərin siyahısı;
43 – Otuz dəqiqə ailə ilə birlikdə;
44 – Hər gün yaxınlarınıza sevginizi
bildirin;
45 – Dostlarınıza müraciət edin;
46 – Yeni tanışlarla nahar edin;
47 – Hər gün ətrafınızdakıları sevindirin;
48 – İmtina eşitməyi məşq edin.
Yeddinci fəsil: Yaradıcılıq və təlim
49 – Musiqi
alətində ifa etmək bacarığını öyrənin və ya yeniləyin;
50 – Xarici dil öyrənin;
51 – Hər gün bir foto çəkin;
52 – Yeni ustalığa (məharətə) yiyələnin;
53 – Hər gün on ideya yazın;
54 – Hər gün yeni yemək hazırlayın;
55 – Günə iyirmi səhifə mütaliə edin;
56 – Hər gün "Ted" çıxışlarını izləyin;
57 – Otuz gün ərzində roman yazın;
58 – Audiokitablara və podkastlara qulaq
asın;
59 – Prezentasiyanı mükəmməlləşdirin: Hər
gün özünüzü videoya çəkin;
60 – Beyninizi məşq etdirin.
Fərid Abdullah
Комментариев нет:
Отправить комментарий