Ədəbiyyatın ən qısa şah əsərləri

Bəzi yazıçılar bir neçə sözlə böyük bir mənanı təsvir etməyi bacarırlar.

1. Bir dəfə Heminquey cəmi 6 sözdən ibarət istənilən oxucunu təsirləndirəcək bir hekayə yazaca biləcəyinə dair mərc gəlir və o, bu iddiada qalib gəlir:

"Uşaq çəkmələri satılır. Geyilməmiş".

2. Frederik Braun heç vaxt yazılmamış ən kiçik qorxulu hekayəni yazır:

"Yer kürrəsinin ən sonuncu insanı otaqda oturmuşdu. Qapını döydülər..."

ƏHVAL-RUHİYYƏNİZ PİS OLDUĞU ZAMAN OXUYUN!

Yer üzündə, canını verməyə hazır olduğun ən azı iki nəfər insan var.

Ən azı 13 nəfər insan özünə görə (bacardığı kimi) səni sevir.

Sənə nifrət etmək üçün yeganə səbəb, çox güman ki, onun (sənə nifrət edən kəsin) sənə oxşaya bilməməsidir. 

Bircə təbəssümün səndən xoşu gəlməyən insanı belə xoşbəxt edə bilər.

Yardım

- Qaqam sual olar?

- Bəli, olar.

- Bax, bəzi adamlar var xeyriyyə işi keçirib reklam edirlər. Bu nə dərəcədə düzdür?

- Səni narahat edir? Narahat edirsə sən daha gizli yardım edib alternativ göstərmiş olarsan.

- Yox, sadcə elə bil ki, gizli olsa daha yaxşıdır. Misal üçün televizorda göstərirlər şou-biznes camaatını. Mənim tanışlarım onları çağırmışdı, kamera olmadığına görə gəlmədilər.

- Yardım etmək dedikdə nə başa düşürsən?

- Nə bilim, sənin əlində olanı olmayanla paylaşmaq.

- Düzdür, lakin etiraf edək ki, yardım həm fərdi, həm də ictimai ola bilər. Onsuz da bir işin süniliyi, təbiiliyi aşkar görsənir.

Fərqli olan bərabərlik

Doğrudan da maraqlıdır, dünyada iki cür dəyərləndirmə var, həm də bu dəyərləndirmə insanlığın daha da inkişaf etdirilməsi naminə göstərilmiş səy kimi qiymətləndirirlir. Bu dəyərləndirmələr daha sonra fəxri adlar, növbənöv təltifetmələr, pul mükafatları və s. ilə əvəz olunur. Bu səbəbkarlar daha çox insanların alim zümrəsindən olur.

Bəzən bir alim illərini sərf edərək virus icad edir və bu zərərli və zəhərli virus sayəsində milyonlarla insanın həyatına son qoyula bilər. Qırıcı təyyarələr, növbənöv kimyavi silahlar, böhran yarada biləcək maliyyə layihələri, insanları manipulyasiya etmək üçün motivasiya vasitələri və s. üstü hamar və cəlbedici görsənib altı zəhərli əməlləri də bu qəbildəndir.

Çarəsiz çarə

Mən onu hələ uşaq yaşlarından tanıyırdım. Səkkizinci sinifdə oxuyurdu. Gözəl maviyə çalan gözləri, incə burnu, zərif bədəni vardı. Mənsə, ondan 3-4 yaş böyük olardım. Yəqin ki, uşaq vaxtların məhəbbətini yaxşı bilirsiz. O məhəbbət bəlkə də istəkdir, bəlkə də tamam başqa şeydir bilmirəm, amma onu bilirəm ki, insan az yaşlarında məhəbbətə qovuşmaq istədikdə onun fikrində nə xəyanət, nə başqaları, nə əyləncə, nə də keçici bir istək olur. Bəlkə də insanlar o saf duyğularını yetkin yaşa qədər saxlasaydılar dünya gülüstan olardı. Lakin insan böyüdükcə böyük qəlbi cılızlaşır – deyirlər. Mən isə bu fikirlə tam razıyam.

Arada olan dostlar bizə bir - birimizdən xəbər gətirirdilər. Sözsüz ki, oğlan qızın razılığı olduqdan sonra ona yaxınlaşmalı idi və o da bu münasibətə razı idi, könlünə yatmışdım. İlk görüşmüz də yadımdadı, elə məsum elə şəffaf idi ki. Danışdığımız zaman nə aforizm, nə hikmət dolu fikirlərdən, nə dünyada gedən qlobal problemlərdən, nə də film-serialdan söhbət açırdıq. Heç ikimiz də bilmirdik nədən danışırdıq. Lakin danışmaq istəyirdik. Beynimiz qəlbimizdə olanları ifadə etməkdə çətinlik çəkirdi. O sözlərdə yalan və riyakarlıq yox idi. 

Gənc əsgər

(Hekayədə işlətdiyim bəzi sözlərə görə qabaqcadan üzr istəyirəm)
- Ə çubuş (yəni çavuş), tez ol, qaç Məmmədov küçüyü bura çağır! Cəld ol!
- Oldu, cənab gizir. 
Cəld qaçaraq ikinci mərtəbəyə çıxan kiçik çavuş Quliyev kazarmaya daxil olaraq Məmmədovun çarpayının üstündə oturaraq papağına kakarda tikdiyini gördü.
- Dur qaç aşağı, cəld.
- Niyə? 
- Gizir Əmiraslanov səni çağırır, cəld!
- Yaxşı. (Ayağa qalxaraq əlindəkiləri tarıma çəkilmiş çarpayısının üzərinə qoydu. Kitelini əyninə geyərək, kəmərini tarım şəkildə bağladı və aşağı endi)
- Bəli, cənab gizir, məni çağırmısız.
- Ə, Məmmədov, hanı sənin papağın?
- Cənab gizir kazarmada kakardamı tikib, axşam baxışına hazırlaşırdım. Kiçik çavuş Quliyev gəlib məni çağırdığınızı dedi. İşim yarımçıq qaldı.

İntiqam

- Viydem na minutku?

- Da koneşno jan, davay.

Restoranın dəhlizindən keçərək (Bu zaman ziyafət verildiyinə görə qonaqlar zalda, aşbaz və xidmətçilər qızğın iş başında olduqlarına görə sakitçilik idi) kişilər üçün nəzərdə tutulmuş ümumi tualetə girdilər.

- Əclaf! - Qarşısındakının üzünə gözlənilmədən şillə vurdu. 

- Şto sluçilos? Şto je ya sdelal? (Qəfil zərbədən müvazinətini itirərək yerə yıxılaraq, çaşqın halda dedi)
- Tı armenin, i eto tvoy qrex.
- Ara jan, nu poçemu? Ya je prostoy çelovek.
- Zatknis svoloç, ne smey otkrıt rot!
- Qurban jan olum, tı je xoroşiy çelovek, mı koqda to jıli v Baku. Ya poçti şto znayu pol qoroda.
- Buna bax e sən Allah.

Qadın və beyin

(İştirak edən simalar: Qadın, beyin)

Qadın: Ay Allah, o gedir, gedir, məni tərk edir! (Ağlayır)

Beyin: Daha pozitiv (ol), daha pozitiv...

Qadın: Nə pozitivi? Əşyalarını toplayır, əclaf...

Beyin: Ağlama, gülümsə... Müəmmalı şəkildə gülümsə... Dəyirman kimi əllərini yellətmə!

Qadın: Əclaf, çamadanını yığır... Alicənab kişi, gedərkən corablarını və alt paltarını götürür, bu əclaf isə maykalarını da yığır... (Ağlayır)

Beyin: Gülümsə!

Qadın: Bəlkə onun boynuna atılım?

Qadın: Bəlkə ayaqlarına yıxılım?

Beyin: Səfeh!

Qadın: Bəlkə onu ondan?

Beyin: Nə "Ondan"?

Ayin (hekayə)

Üçüncü dərs bitmək üzrəydi. Rəfiqəm Aytəkin mənə göz edərək, işinin olduğunu bildirib, ətrafda şübhə yaratmamaq üçün gah yazı lövhəsinə, gah da kitaba baxmağa davam etdi. Dərs bitdikdən sonra, həmişəki kimi kofe içmək üçün bufetə düşdük. Bufetçi xaladan özüm üçün kofe sifariş edib, kənarda duraraq qapıdan Ayətkinin içəri daxil olmasını gözləməyə başladım. Maraq mənə güc gəlmişdi, söz verməyimə baxmayaraq əlim dinc durmur, saçımı düyünləyirdim. Kofeni yarım etmişdim ki, Aytəkin içəri daxil oldu. Amma o bufetə tək gəlməmişdi, onun yanında Universitetimizdə zirənglik, qabaqcıllıq, gözəllik, məşhurluqları ilə tanınan üç qız - Afət, Gülsüm və İradə də var idi. Yox, yox, bu qızlar əlaçılıqla tanınmamışdılar, heç əxlaqsız da deyildilər. Sadəcə olaraq lider idilər, bəli, lider. Lider olmalarının səbəbi onların zəngin ailədən olması, bununla belə, dillərinin iti, əməllərinin təsiredici olması idi. Onların sözünü heç kəs yerə sala bilmirdi.

Beyinin işləmə qabiliyyətini artırmaq üçün 12 məsləhət

1. Siqaret çəkməyənlər üçün - kofe və ponçik (içi mürəbbəli və ya şirnili kömbə qoğal). Qlükoza və kofein kombinasiyası diqqəti artırır.

2. Saqqız kofeinə nisbətən daha güclü şəkildə diqqəti bir yerə cəmləməyi artırır, düzdür, bunun təsiri cəmi 20 dəqiqə davam edir.

3. (Rəsm, şəkil) çəkin və (xətt, cızıq) cızın. Əgər problem barədə düşünməklə yanaşı nəsə bir şey çəkdikdə bu, diqqəti cəm etməyi artırır və yaddaşı gücləndirir.

Dost diqqətsiz olsa da, düşmən əsla diqqətdən yayınmır!

Belə bir deyim var: "Pis şairdən yaxşı yazıçı çıxır". Amma bu deyim səhvdir. Çünki, mən sizə həm yazıçılıq, həm də şairlik istedadı olan bir nəfərin hekayəsini yazacağam. Hərçənd ki, hekayə sizlərin üzündə təbəssəm yaratmasa da, belə insanların əzilib getməməsi üçün dəstək göstərməyinizə səbəb olacağına səmimi qəlbdən inanıram.

Gözəl yaradıcılıq qabiliyyəti olan bir gənc dostum var idi. O daim mütaliə edir və bundan nəticə alıb, səbəb olmağa can atırdı. Onun günlərini mütaliəyə sərf edib, vaxtlarını kitab oxumaqla keçirən, bununla qürrələnən və kitabdan uzaq düşümüş şəxsləri araya qoyan şəxslərdən acığı gəlirdi. O düşünürdü ki, kitab da bir qidadır və sözsüz ki, bütün insanlar eyni zamanda bir qidanı qəbul edə bilməzlər. Misal üçün qoyun əti, kimisi qoyun ətindən hazırlanmış bütün ləziz yeməkləri bir oturmaya yeyə bilər, kimisi isə səhhəti ilə bağlı bu yeməkdən çəkinmək məcburiyyətindədir. Kimisi dişləri saz vəziyyətdə olduğu üçün qoz. fındığı pəh-pəhlə yemək iqtidarındadır, kimisi isə protez diş almağa belə pulu olmadıqdan, belə şeylərə həsrətlə baxır. Kitab da elədir, kimisi ehtiyacından kitab oxuyur, kimisi bekarçılıqdan, kimisi "Mən də kitab oxudum" deyə. Kimisi tənbəllikdən kitab adlı bir şey tanımır, kimisi ailəsini dolandırmaq üçün çörək pulu qazanmağa ehtiyaclı olduğundan kitab oxuya bilmir. Demək ki, insan kamilliyi kitab oxumaqla ölçülməməlidir.

İl (şeir)

Baxıram, hər zaman olduğu kimi

Yenə də bir sual verilib mənə.

"İşlərin necədir, ay Fərid" deyir,

Deyərdim, nə dəxli var axı sənə?!

***

Amma ki, bu ilin ilk statusudur

Kədərlə, hüznlə yazmayım gərək.

Xoş sözlə, kəlamla başlamalıyam,

Alınmır, nə edim, başqadır dilək.

***
Keçmişə buraxdıq sabiq ili biz,
İndisə yenisi təşrif buyurmuş.
Nə qaldı, nə getdi, qəlblərdə qaldı
Bu tayı yaşıllıq, o tay qurumuş.