Rövşən Abdullaoğlu - Qorxular

Bir xeyli müddət öncə əzizimiz Rövşən Abdullaoğlu mənə əksər kitablarını imzası ilə birlikdə hədiyyə etmişdi. Mənim üçün çox xoş təsir bağışlamışdı. İnşallah, hər biri haqqında ayrıca fikrimi yazmağa çalışacağam. Lakin kitablarının arasında “Qorxular” adlı kitabı yox idi. Səhv etməsəm, o vaxt nəşri bitmişdi. Qorxular mövzusu mənim üçün maraqlı mövzudur. Təsadüfən, bu yaxınlarda kitab sərgisinə gedərkən “Qədim Qala”nın şöbəsində bu kitabı gördüm və aldım. Rövşən müəllimin tək imzasız kitabı oldu kitabxanamda.

Kitabla tanışlıq üçün qeyd olunur: Qorxu hissi insan təbiətinə xas olan ən ağır psixolofi duyğular cərgəsindədir. Bu kitab qorxularından bezmiş və nəhayət, onların əsarətindən qurtulmaq İstəyən insanlara ünvanlanıb. Qorxulanını yenməyən kəs ömür boyu kölə həyatı yaşamağa məhkumdur. İnsan qorxularından agah olarsa, bu barədə lazımi məlumatlarla silahlanarsa, hisslərini idarə edə və nəticədə qorxularına qalib gələ bilər. Bu kitabın mütaliəsi qorxu zindanında məhkum olan birinin əzablardan qurtulmaq üçün ata biləcəyi ilk mühüm addımdır.

Robin Şarma - Dahiliyə aparan yol

Bu yaxınlarda Robin Şarmanın “Dahiliyə aparan yol” kitabını oxudum.

Kitabın tanıtımı barəsində belə yazılır:

“Həyatın oyununda xırda uduşlardan bezmisiniz? Hliss edirsiniz ki, nəsə daha artığına qadirsiniz? Diqqətəlayiq uğurlara nail olmağa, heyranedici nəticələrə çatmağa və öz daxili potensialınızı reallaşdırmağa hazırsınız?

Onda bu gözəl kitab məhz sizin üçün yazılıb. Həyat eşqi, həvəs və ilham verən, çalışqanlığa sövq edən, yüksək ideyalarla dolu olan bu kitab tezliklə ideal həyat haqqındakı arzularınızı reallaşdırmaqda sizə kömək edəcək. “Dahiliyə aparan yol” kitabı doğrudan da sizin daxili potensialınızı aşkar etmək və ən yaxşı şəxsi keyfiyyətlərinizi oyatmağa qadir olan nadir kitablardandır.

Piter Volt İstənilən arzunu reallaşdırmaq üçün 30 ən yaxşı üsul

Bu kitabda şəxsi hədəflərə nail olmaq üzrə ən məşhur mütəxəssislərin 30 ən yaxşı məşğələsi yığılıb. Məsələn: Xose Silva, Barbara Şer, Dipak Çopra, Robert Kiyosaki, Con Kexo, Cozef Mörfi, Deyl Karnegi və sair kəslərin. Bu üsullar liderlik keyfiyyətlərinin inkişafında, zənginliyin əldə olunmasında, uğurlu karyera qurmaqda, möhkəm sağlamlığın qazanılmasında, hətta ailə qurmaqda belə, kömək edir. Qərar verin, məhz nədə uğur qazanmaq istəyirsiniz, məşğələləri edin və istədiyiniz nəticəni alın.

Kitabdan elə hissələr var ki, onları ayrı şəkildə bir məqalə kimi paylaşacağam. Kitabın üstün cəhəti odur ki, müəllif bir mövzuda fərqli mütəxəssislərin rəylərini qısa-lakonik şəkildə verib. Asanlaşdırıb. Kitabdan bəzi qeyd etdiyim şeyləri paylaşıram:

Anni Layonnet – Möhtəşəm Layf-kouçinq, həyatı dəyişmək üçün 10 ruhlandırıcı addım

Dəyişikliklər həyatın zəruri hissəsidir. Yəqin ki, siz şeylərin cari vəziyyətini saxlamaq üçün çox səy sərf edirsiniz – beləliklə də, həyatınızı hərəkətsiz bir gölə çevirirsiniz. İroniya ondadır ki, bizim varlığımız bizə darıxdırıcı və mənasız görünsə də, biz ondan yapışmağa davam edirik: köhnə dostlar, iş, əvvəlki, boz və sıx həyat çevrəsi. Bəs dəyişikliklərə necə qərar verə bilərəm?

"Möhtəşəm layf-kouçinq" sizə bu problemi həll etməyə kömək edəcək. Anni Layonnet peşəkar layf-kouçdur, çoxillik iş təcrübəsi vardır. O, şəxsi və ya peşəkar inkişaf üçün xüsusi layf-kouçinq kursları keçirən Tədris Mərkəzinə rəhbərlik edir. Layf-kouç - şəxsiyyətin müvəffəqiyyətinə və inkişafına nail olmaq üçün lazım olan informasiya və vasitələri təmin edən texnikadır. Lakin əgər tez-tez belə yardımların arxasınca mütəxəssislərə müraciət ediriksə, onda bu kitab sizə kouçinqin əsaslarını müstəqil şəkildə öyrənməyə və özünüz üçün mentor olmağa kömək edəcək.

Şalva Amonaşvilinin maraqlı pedaqoqluğu

Bir dəfə tanınmış sovet pedaqoqu Şalva Amonaşvili onun mühazirəsində iştirak edən müəllimlərdən soruşdu: “Belə bir vəziyyət təsəvvür edin ki, dördüncü sinifdə dərs keçirsiniz, birdən içəri iyirmi dəqiqə gecikən uşaq daxil olur. Nə edərsiniz?”

Müəllimlər cavab verdi: “Çıx sinifdən!”; “Gündəliyini ver!”; “Otur yerinə, dərsdən sonra danışarıq!”

Hədəfə aparan 12 yol

1 – Telefonunuzu söndürün. İki saat vaxt ayırın və istənilən sahələrdən ibarət 100 hədəf yazmağa başlayın: iş, pul, sağlamlıq, bədən, səyahət və s.

2 – Hədəfləri qruplar əsasında yerbəyer edin.

3 – Üç ay ərzində həqiqətən də reallaşdıra biləcəyiniz 5 hədəf seçin.

4 – Onlardan hansı 3-ü daha zəruri və prioritetlidir? Digər ikisini siyahıdan çıxarın.

5 – Hədəfləri vərəqə yazın, üzərinə dedlayn tarixi əlavə edin və görünən yerdən asın.

6 – Hər bir hədəf üçün hərəkət planı hazırlayın: hədəflərə aparan sadə aralıq addımları yazın.

XOŞBƏXTLİK CƏDVƏLİ

Əgər həyatınıza yenilik qatmaq istəyir, lakin nə edəcəyinizi bilmirsinizsə, bunları bir yerə yazıb reallaşdıra bilərsiniz. Ya da özünüzdən əlavələr edə bilərsiniz. Siyahı şərtidir. Ümid edirəm ki, həyatınıza zövq qatmış olar.

1 –  Yeni dil öyrənmək;

2 – Meşədə gəzmək;

3 – Günəşin batmasını izləmək;

4 – Yürüşə çıxmaq;

Rozanna Kasper – Çellenclər kitabı. Faydalı vərdişlər formalaşdıran 60 proqram

 

Rozanna Kasper – amerikalı yazıçı və sahibkardır. O, Viskonsin ştatında – Miluokidə yaşayır və üç övlad böyüdür. Rozanna 30 günlük çellenclərə üç il öncə, öz davranışlarını dəyişmək, nizam-intizamını artırmaq, yeni və maraqlı bir şey öyrənmək, habelə daha sağlam, enerjili və səmərəli olmaq istədiyi zaman başladı. Yavaş-yavaş meditasiya etməy, tikiş tikməyi və italyanca danışmağı öyrəndi, şikayətlənməkdən əl çəkdi, şəkər qəbul etməkdən imtina etdi, gitarada ifa etməyi öyrəndi, qeydlər aparmağa başladı və gün ərzində 15 dəqiqə “planka” vəziyyətində dayandı.  

Kitab azhəcmlidir, sadə dildə yazılıb. Biroturma oxumaq mümkündür. Mən kitabdan bəzi hissələri tərcümə edib paylaşıram.

Otuz günlük çellenci necə sona çatdırmaq olar?

Qaraqan – Üçüncü addım

“Qaraqan” təxəllüslü Elxan Zeynallı 3 aprel 1987-ci ildə Bakı şəhərində doğulub. O, repçi, musiqiçi, yazıçı, jurnalist, Azərbaycan Yazıçılar Birliyinin üzvü, Milli Kitab mükafatı müsabiqəsinin ilk qalibidir. Hal-hazırda 10 romanın (9 Azərbaycan,1 Rus dillində) və 4 albomun müəllifidir.

Qaraqan 2007-ci ildə AYB-nin ən gənc üzvü seçilir. 2007-ci ildə "A" romanı Azərbaycanda bestsellerə çevrilir. 2008-ci ildə bir müddət Amerikada yaşayır. 2008-ci ildə Azərbaycan səviyyəsində "İlin Gənci" adına layiq görülür. 2009-cu ildə Prezident təqaüdü ilə təltif olunur. 2009-cu ildə "Bir milyon dollarım olsaydı" romanı ən çox satılan kitab olur. 2012-ci ildə fantastik-dram-faciə üslubunda yazılan "Mələk" romanı MDB ölkələrində bestsellerə çevrilir. 2013-cü ilin noyabr ayında trilogiyanın birinci hissəsi "Birinci addım: Beş anonim milyonçu" təqdim edilir.. 2014-cü ilin Dekabr ayının 27-sində yazıçının "Üç addım" trilogiyasının "İkinci addım"ı çapdan çıxır. 2016-cı ildə isə "Üçüncü addım" kitabını çapdan çıxardan yazıçı trilogiyanı başa vurur. (Mənbə: Vikipedia)

Robin Şarma: Ferrarisini satan rahib

Robin Şarma (18.03.1965) kanadalı yazıçısı, motivasiya, liderlik və şəxsi inkişaf üzrə Şimali Amerikada ən məşhur mütəxəssislərdən biridir.

“Ferrarisini satan rahib” kitabı Robin Şarmanın özünü təkmilləşdirmək üzrə yazdığı kitabdır. Kitab, 25 yaşında vəkillik karyerasını bitirdikdən sonra Şarmanın şəxsi təcrübəsinə əsaslanan biznes-hekayədir.

Bu kitab 1997-ci ildə “Harper Collins” nəşriyyatı tərəfindən nəşr olunmuş, 2013-cü ilin hesabatına əsasən, üç milyon nüsxədən çox satılmışdır. Hal-hazırda kitabın beş milyondan çox nüsxəsi satılıb və bestseller hesab olunur. Şarma, "Ferrarisini satan rahib" seriyasından olan başqa kitablar da qələmə almışdır ki, bu barədə gələn yazılarda danışaram.

Qeyd edim ki, həm bu kitab, həm müəllifin özü haqqında bir çox nüfuzlu şəxslər və ya şirkətlər müsbət sözlər demişlər.