Dəyişikliklər həyatın zəruri hissəsidir. Yəqin ki, siz şeylərin cari vəziyyətini saxlamaq üçün çox səy sərf edirsiniz – beləliklə də, həyatınızı hərəkətsiz bir gölə çevirirsiniz. İroniya ondadır ki, bizim varlığımız bizə darıxdırıcı və mənasız görünsə də, biz ondan yapışmağa davam edirik: köhnə dostlar, iş, əvvəlki, boz və sıx həyat çevrəsi. Bəs dəyişikliklərə necə qərar verə bilərəm?
"Möhtəşəm layf-kouçinq" sizə bu problemi həll etməyə kömək edəcək. Anni Layonnet peşəkar layf-kouçdur, çoxillik iş təcrübəsi vardır. O, şəxsi və ya peşəkar inkişaf üçün xüsusi layf-kouçinq kursları keçirən Tədris Mərkəzinə rəhbərlik edir. Layf-kouç - şəxsiyyətin müvəffəqiyyətinə və inkişafına nail olmaq üçün lazım olan informasiya və vasitələri təmin edən texnikadır. Lakin əgər tez-tez belə yardımların arxasınca mütəxəssislərə müraciət ediriksə, onda bu kitab sizə kouçinqin əsaslarını müstəqil şəkildə öyrənməyə və özünüz üçün mentor olmağa kömək edəcək.
Bu kitabda on sadə ruhlandırıcı tövsiyələr verilib. Müəllif öz həyatına görə məsuliyyəti öz üzərinə götürməyi, öz düşüncə tərzini dəyişdirməyi, qarşına məqsəd qoymağı və onlara çatmağı öyrədir. Kitabın hər bir fəsli oxuculara özünə inam əldə etməyə və öz həyatlarını idarə etməyə başlamağa kömək etmək üçün nəzərdə tutulmuşdur. Kitab on fəsildən ibarətdir:
Fəsil 1: Səyahətə hazırlaşın:
həyatınızı dəyişməyə necə başlamaq olar?
Fəsil 2: Düzgün düşünməyi və
öz qorxularınıza qələbə çalmağı öyrənin
Fəsil 3: Özünüzə sadiq olun
Fəsil 4: Macəraların dadını
duyun
Fəsil 5: Həqiqi istedadınızı
açın və qarşınıza məqsəd qoyun.
Fəsil 6: Pozitiv vizualizasiya
və affirmasiya
Fəsil 7: Yeni həyat üçün yer
azad edin və ilk addım atın
Fəsil 8: Motivasiyanı necə
saxlamaq olar?
Fəsil 9: Səyahətdən zövq alın
Fəsil 10: Nailiyyətlə əlaqədar
özünüzü təbrik edin
Kitab olduqca sadə, bəsitdir. Mən kitabdan özüm üçün qeyd etdiyim bəzi şeyləri sizinlə bölüşürəm:
Sizin şəxsiyyət unikal və təkrarsızdır.
Hər birimiz unikalıq və məhdudiyyətsiz potensiala malikik. Şərq fəlsəfəsində individual fərdi həyat yolu "Dharma" anlayışı ilə ifadə olunur.
Məsələn, rəssamın dharması yaratmaq, qozanın dharması qüvvətli ağac olmaq, baramaqurdunun dharması kəpənəyə çevrilməkdir.
Refreyminq – Dünyaya yeni baxış bucağından baxmaq üsuludur.
O şeyi etməkdən başlayın ki, zəruridir, daha sonra mümkün olanı edin. Tezliklə fərqinə varacaqsınız ki, artıq mümkün olmayanı edirsiniz.
Ruhlanmaq axınını necə hiss etmək olar?
1. Dünyanın gözəlliyini
hiss edin; daha çox təbiətdə vaxt keçirin, gözəl mənzərələrdən zövq alın.
2. Meditasiya və ya yoqa
ilə məşğul olun – daxili sakitlik əldə etməyə kömək olan istənilən şeylə.
3. Çimərlikdə ayaqyalın gəzin
və üfüqün sonsuzluğuna tamaşa edin.
4. Özünüzü sevdiyiniz işə
verin.
5. Evdə gülə qulluq edin
və onları iş yerinizdə saxlayın.
6. İntuisiyanıza qulaq
asın.
7. Ən istəkli arzunuza
diqqətli olun.
8. Daha öncə etmədiyinizi
edin.
9. Elə yaşayın, sanki
sabah olmayacaq. Nəyi daha çox etmək istəyərdiniz?
10. Sevimli insanlara
deyin ki, onlar sizə necə dəyərlidirlər.
Hədəfim nədir? Onu həyata
keçirtmək üçün nə edə bilərəm
Uğurun gərəkli şərti – istədiyini
bilmək və buna nail olacağına inanmaqdır.
Siz özünüzə həqiqətən də, yalnız
o zaman inanacaqsınız ki:
• hərəkətə keçəcəksiniz;
• qarşınıza öhdəsindən gələ
biləcəyiniz real tapşırıqlar qoyacaqsınız;
• həmişə daha yaxşıya
ümidvar olacaqsınız;
• daha öncə
bacarmadığınız şeyi öyrənəcəksiniz;
• komfort zonasının sərhədindən
çıxacaq və özünüzü azad hiss edəcəksiniz;
• özünüzü hər şeyə görə tərifləyəcəksiniz,
qoy kiçik olsun, amma nailiyyət olsun;
• inanın ki, sizin
arzularınız həqiqətən də, gerçəkləşə bilər;
• sizi dəstəkləyən
insanlarla vaxt keçirəcəksiniz;
• heç bir şəraitdə məğlub
olmamağı öyrənin;
• sevdiyinizi edəcəksiniz.
Xırda nailiyyətlərə görə
özünüzü mükafatlandıraraq, siz özünüz tərəfindən edilən seçimi təsdiq etmiş
olursunuz.
Fərid Abdullah
Комментариев нет:
Отправить комментарий