Süfrə

Süfrə alır bu gün evə
Kədərli bir kasıb qadın.
Yoxsulluğu sərvətidir,
Bilmir bunu ayıb qadın.
***
Süfrənin gah o başına,
Bu başına baxıb gülür.
Axı, oğlu əsgərlikdən
Bu gün öz evinə dönür.
***
Naxışlı bir süfrə seçdi,
Pulun verib evə döndü.
Satıcısa söz demədi,
Kövrək qəlbə maraq çökdü:

***
"Süfrə üstü boş olanda
Naxışın nə faydası var?
Bəlkə də heç mən bilmirəm
Bu sirrin bir qaydası var?!"

(Rəşid)