Pəncərə (hekayə)

Bu gün lap dilxor olmuşdum, özümdə deyildim, çünki sevimli cizgi filmimə baxa bilməyəcəkdim. Dünən həyacanla izlədiyim cizgi filmi ən maraqlı yerində “Ardı var” yazısıyla yarımçıq kəsilmiş və bu, ürəyimə tikan kimi batmışdı. Allah evinizi tiksin, adamı niyə intizarda saxlayırsız ki? Maraqla izləyirsən, izləyirsən, bir də görürsən ki, sona çatmamış sonluq verirlər. Nə isə, ümidimi bu günə saxlamışdım ki, sevimli cizgi filmimin davamına baxım. Amma arzum ürəyimdə qaldı, nənəm mənə xüsusi bir iş tapşıracaqdı - əti çəkmək.
Elə bil, bu günü gözləyirdi nənəm. Nə etmək olardı ki, axı evin kişisi mən idim. Anam işlədiyi üçün, hər dəfə məktəbdən çıxaraq nənəm gilə gəlirdim. O məni xoş qarşılayar, nazımı çəkər, doyunca yedizdirib-içizdirərdi. Arada fürsət tapan kimi, ya bir müddət yatıb dincələr, ya da xalam aldığı yeni televizorda cizgi filmlərini, ya da türk kliplərini izləyərdim. Oyun-oyuncaqla elə də aram yox idi. Həm də nə küçəyə çıxmağa bir həvəsim, nə də nəyisə eşələyib, qurtdalamağa bir marağım var idi. 

"Bütün kişilər eynidir" - deyən nəvəsinə nənənin cavabı

- Bütün kişilər eynidir! Nənə, onun mənə birinci dəfə "Salam" deməyi kifayətdir ki, bu adamın özünü daha sonra necə aparacağını, hansı lətifələr söyləyəcəyini, necə təbəssüm edəcəyəni, hansı xoş sözləri söyləyəcəyini, necə mübahisə edəcəyini və məni əldə etdikdən, muradına çatdıqdan sonra atıb gedəcəyini qabaqcadan bilirəm. 

- Sən haqlı deyilsən, qızım. Kişilər fərqli və müxtəlifdir. Sadəcə olaraq, bizim oxşar kişilərdən xoşumuz gəlir. Sənin sakit, sadə və ya "evcil" kişilərdən xoşun gəlirsə, nə üçün ahu-zar edirsən ki, yenə də qarşıma evdən bayıra çıxmaq istəməyən vasvasının birisi çıxdı?! 

Cüzdan

Arabir gecə vaxtları atamın yatdığından istifadə edərək ciblərini eşələyir, maşınının açarını götürürdüm. Daha sonra sakitcə həyətə enərək maşına minib, Bakının yatmış halından istifadə edərək, sakit və işıqlı yollarla ora-bura şütüyürdüm. Daha sonra maşını yenidən yerində saxlayıb, açarları şalvarın cibinə qoyurdum. Hələ ki, bir dəfə də olsun atam tərəfindən tutulmamışdım. Mənə elə gəlirdi ki, kişinin bundan xəbəri var idi, sadəcə olaraq səsini çıxartmırdı. Çünki, əsgər getməyimə sayılı günlər qalırdı. Bu günlər mənim üçün Cənnət dəqiqələri idi. Buna görə səhərlər yastığımın altında bir neçə dəfə pul da tapırdım. Bilirdim ki, kişinin işidir.

Çətir

Görəsən çətir altında olan daha şəfqətlidir ya çətiri tutan? Amma çətir də olmasa, nə şəfqət?

***

ÇƏTİR (Yeni)

Çətirin altında bir qadın gördüm,

Ədayla-işvəylə yolla gedirdi.

Yanında bir kişi çətiri tutub,

Baxaraq qadına söhbət edirdi.

***

Mən isə arxadan gəlirdim səssiz,

Qadının başının üstündə çətir.

Kişiysə islanır yağan yağışdan,

Damlalar üzünə, başına səpir.

***

Yarandı başdımda belə bir sual,

Görəsən hansıdır onlardan üstün?

Qadınmı, gedərək çətir altında,

Kişimi, islanmış üst-başı bütün?

Vaxtının bir saatını

- Ata, olar səndən bir şey soruşum?

- Əlbəttə, nə olub ki?

- Ay ata, nə qədər (maaş) alırsan?

- Sənə dəxlisi yoxdur - deyə, özündən çıxdı - həm də, neynirsən ki?

- Elə belə, sadəcə olaraq soruşdum. Xahiş edirəm, de, 1 saata nə qədər alırsan?

- Ümum

iyyətlə desək, 1 saata 25 manat, niyə ki?

- Ata... - oğul atasına aşağıdan yuxarıya ciddi baxışlarla baxaraq - Ata, mənə 15 manat verə bilərsən?

Sevgi qığılcımı - iPad

Bu gün işdən bir-iki saat tez çıxmağım üçün icazə almışdım. Səbəbi isə dostlarım idi. Aramızda sözləşmişdik ki, "Kubok" çay evinə gedib həm dincələk, həm də Çempionlar Liqasının final oyununu bərabər izləyək. Bəxtimdən müdir icazə almağımı da pis qarşılamamışdı. Hər şey əla və öz yerində idi. Qulaqcıqları qulağıma taxaraq cibimdən telefonumu çıxardım və könlüm istəyən musiqini seçib dinləməyə başladım. Hava da könüloxşayan idi. Yaxşı ki, işə gələndə bir paket ağ tum almışdım. Bir yandan musiqi, bir yandan tum - bir sözlə, öz aləmimdə idim. Metroya getmək üçün tini dönmək qərarına gəldim. Birdən gözüm camaat arasından mənə tərəf gələrək, kitabın arxa tərəfini oxumaqla məşğul olan bir sarışın qıza sataşdı. Qız o qədər maraqlı görünürdü ki, qulağımdan çıxan qulaqcıqlardan da bixəbər olmuşdum. 

Sirr

Ər və arvad bir yerdə 60 il ömür sürmüşdülər. Onların bir-birilərindən gizlətdikləri heç bir sirrləri yox idi. Yalnız arvadın ərindən saxladığı bir sirri var idi. Qadının şkafının yuxarı rəfində ərinin heç vaxt görmədiyi bir ayaqqabı qutusu var idi. Daha yaşlı olduğuna görə, qadın uzanmış halda, gizlətdiyi sirri ərinə açmaq qərarına gəlir və həyat yoldaşından qutunu gətirməsini xahiş edir. Ər qutunu gətirib, onu açdığı zaman içərisində iki gözəl toxunmuş gəlincik və 25000 məbləğində pul gördü.

- Nədi bu? - heyrət içində ər dedi.