İnternetdə olan bütün xanımlara (İbrətamiz hekayə)

Bir ailənin dağılmasına səbəb olan yaşanmış acı bir həyat hekayəsi 

Bu hadisə sizlərə sahibinin dilindən yazılır. Uzun olmasına baxmayaraq diqqətlə oxunması lazım olan bir ailənin səbəbsiz yerə kədərli bir şəkildə viran olmasından gedən hüzünlü bir hadisədir. Hadisəni yaşayan qız deyir ki: "Salam olsun sizlərə əziz bacı və qardaşlarım. Sizlərə həqiqəti, kədərli həyatımı yox edən, gələcəyimi parçalayan, ailə həyatımı öldürən, həyat yoldaşımla yollarımızı ayıran ekyəmi danışıram. Mən mühafizəkar bir ailənin əxlaq və tərbiyəsi ilə böyümüş bir qızam. Heç vaxt düşüncəsiz ya da əyləncə axtaran biri olmamışam. Allahın qəzəbinə səbəb olacaq bir iş etməməyə çalışmışam. Məni sevən mənimdə onu sevdiyim bir şəxslə evləndim. Onun ərköyün həyat yoldaşıydım. Hətta ailəm və qohumlarımdan bir çoxu mənə həyat yoldaşımın mənə çox hörmət etdiyini deyirdilər.

Mənim həyat yoldaşımdan bir şey istədiyimi və onu rədd etdiyini xatırlamıram. Nə istəsəm onu da edirdi. Bir gün ona kompyuter almasını xaiş etdim. İnternetdən istifadə etmək istədiyimi söylədim. Əvvəlcə bunun yaxşı olmadığını, mənim üçün uyğun olmadığını söylədi. Hiyləgərliklərlə ona interneti aldırdım və pis istiqamətdə istifadə etməyəcəyimə dair söz verdim və o da qəbul etdi. (kaş ki, qəbul etməyəydi.) Məni internetdə əyləndirən nə varsa xoşbəxtlik və sevinclə qarşılayırdım. Vəziyyət o yerə çatdı ki, həyat yoldaşım hər gün işə gedir, məndə internetə girirdim. Hətta o evdə olduğu vaxtlarda da məndən nə etdiyimi soruşmurdu. Çünki mənə etibar edirdi. Günlər keçdi, internetdən istifadə edən bir dostum mənə çatdan danışdı. Dedi ki, çat çox əyləncəlidir, insanlar bu proqramda bir-birləriylə danışır, vaxtlarını keçirilər. Beləcə məndə çatdan istifadə etmək qərarına gəldim. Əvvəlcə yalnız müvəqqəti söhbətlər edirdim. Daha sonra bir nəfər ilə tanış oldum. Hər gün onunla görüşür və danışırdıq. Yüksək əxlaqıyla digərlərindən fərqlənirdi. Əvvəl danışdığım şəxslərdən onun kimi olanını görməmişdim. Həyat yoldaşımı sevməyimə baxmayaraq, saatlarla çatda oturur və onunla danışırdım. Həyat yoldaşım gəlir, məni izləyir və kompyüterin qarşısında keçirdiyim saatlara əsəbləşirdi. Bir nəfəri çatda bəyənmişdim və onunla yalnız dost olaraq danışırdım. Zaman keçdikcə vəziyyət tərsinə döndü və dostluq sevgiyə çevrildi. Ona həyat yoldaşımdan daha çox bağlandım. Həyat yoldaşımın qəzəbindən qaçıb internetdə onunla danışmağa başladım. Bir dəfə özümü itirdim və həyat yoldaşımla dalaşdım. Həyat yoldaşım internet müqaviləsini ləğv etdi və kompüteri evdən apardı. Yoldaşıma çox əsəbləşdim. Çünki ilk dəfə mənə bu şəkildə davranırdı. Acığa düşüb çatda söhbət etdiyim adamla danışmağa qərar verdim. Mənə onunla danışmağım üçün yalvarmasına baxmayaraq rədd edirdim. Bir gecə ona zəng etdim. Telefonda onunla danışırdım, o andan etibarən həyat yoldaşıma olan xəyanətim başladı... Yoldaşım hər evdən çıxanda ona zəng edib danışırdım. Danışdığım oğlan boşansam mənimlə evlənəcəyini vəd edirdi və davamlı onunla görüşməyim üçün yalvarırdı. Onun istəklərini qəbul edib, onunla görüşdüm. Görüşlərimiz bir qadının həyat yoldaşına xəyanət edəcəyindən, ən böyük günaha düşənə qədər davam etdi. Aramızda əlaqə oldu. Çatda tanış olduğum adamı sevdim və həyat yoldaşımdan ayrılmağa qərar verdim. Həyat yoldaşımdan məni boşamasını istədim. Sual verdi, niyə? Aramızda problemlər çoxalmışdı və dözə bilmirdim. Həyat yoldaşımı görmək istəmirdim. Yoldaşım məndən şübhələndi və hadisənin kökünü araşdırdı. Bir dəfə telefonda danışdığımı gördü. Ona həqiqəti söylədim. Onun mənə qarşı yaxşı olmasına qarşı onu istəmədiyimi bildirdim. Artıq onunla yaşamaqdan bezdiyimi söylədim. Həyat yoldaşım bu vəziyyəti ailəmə bildirmədi. Mən səni sevirəm, amma səninlə daha yaşaya bilmərəm dedi. Allah sənin və bizim günahlarımızı bağışlasın. Ailənə mənimlə yaşamaq istəmədiyini, bir-birimizə uyğun olmadığımızı söyləyərsən. Bütün bunlar həyat yoldaşımın əvvəldə mənə məsləhət görmədiyi internetin vurduğu zərərlər idi. İnternetdə tanış olduğum gəncin sözləri isti ocağımın dağılmasına səbəb oldu. Mənə: "Səndən başqa heç kimi sevmirəm. Həyatımda səndən daha şirin biriylə qarşılaşmamışam. Sən həyatımda gördüyüm ən yaxşı qadınsan." deyirdi. Amma işin sonunda bu xainin həqiqi sözləri mənə bir ildırım kimi çarpdı. Dedi ki, "Əgər evlənsəm tanımadığım ya da çatda tanış olduğum biri ilə evlənmərəm. Xüsusilə də sənin kimi yaşlı və ərinə xəyanət etmiş birisi ilə. Əgər mən birini istəsəm çatda tanış olduğum və evlənməyi düşündüyüm biri olsa belə kiçik yaşlı bir qızla tanış olaram, onu istədiyim kimi istiqamətləndirərəm, sənin kimi evli və ərinə xəyanət etmiş biriylə deyil!!!." Sizə and içərəm ki, bu söylədiyim sözlər tamamilə onun dediyi kimidir. Yalan danışmıram nə bir söz artırdım, nə də bir söz əskiltdim. İndi çaş-baş qalmışam. İntihar etmək düşüncəsindəyəm. Mənə zülm edən və bu hadisə ilə həyatımı sarsıdan şəxs və onun kimilərə deyirəm ki, "Bir gün gələcək sizdə öz nəfslərinizdə təhrikedici şeylərin insanı necə aldatdığını görəcəksiniz. Bütün duam Allahın mənə zülm edən şəxsin eyni hala (özü və ya ailəsinidə) düşməsini görməkdir. Allaha əmanət olun." Qeyd: "Əziz dostlar bu yaşanmış acı bir həyat hekayəsi idi. Əgər günahsız bir qızla və yaxşı niyyət bir tərəfdə, pis bir şəxs və hiyləsi bir tərəfdə olsa, həqiqət qaranlıq və qorxunc olur. Sonda bütün xanımlara müraciət edirəm. Əziz xanımlar öz həyat yoldaşınızın qədrini bilin. Ailə böyük anlam daşıyır. Siz əgər bir evə xanım gəlmisinizsə, deməli o evi abad etməlisiniz. Siz həyat yoldaşınınızın namususunuz. Və onu qorumaqda canla başla çalışmalısınız. Övladlarınız tərbiyəsi ilə məşğul olun. Cəmiyyətə gözəl, tərbiyəli, savadlı, gənclər təqdim edin. Nəfsiniz əmrinə uyub papaq kimi başdan-başa qoyulmayın! Allaha əmanət olun." Leyla Tağıyeva faktxeber.com