Qoşmalar

Təbiətdə gördüyümüz hər şeyin

Bizlər üçün önəmli hikməti var.

Quşlar gözəl avazla oxuyanda

Qulaq asaq, bu səsin söhbəti var.

***

Sevgi dolu mənzərəyə aç qucaq,

Ağacları qırıb, qalama ocaq,

Bir ad üçün vurma qəlbinə bıçaq

Gördüyün bu işin pis töhməti var.

***

Bu təbiət qurulmuşdur nizamla,

Zülmünə göy ağlayır damla-damla,

Gəz a Rəşid yer üzündə aramla,

Sənin yox, Onun sənə minnəti var.

PAY VERƏN VAR

Hər bir kərəm yaxşılıqla ödənməz,

Yaxşılığa yaman da pay verən var.

Məyus olub, gəl tərk etmə savabı,

Heç olmasa güman da pay verən var.

***

Yaxşı insan qarşılığlı iş görməz,

Yadı arxa bilib, evini hörməz,

Sahibinə sadiq it heç vaxt hürməz,

Sədaqətsiz olsan da pay verən var.

***

Bir kəs sənə əl tutub versə çörək,

Yaxşılığın itirməyəsən gərək.

Comərddirsə gəlin, sayğı göstərək,

Əsarətə aman da pay verən var.

***

Bir çox insan duz-çörək itirərmiş...

Gəl, nankora ikram eyləmə bəxşiş.

Yaxşıya yardım et, olsa da keşiş,

Bu əmələ iman da pay verən var.

***

Rəşid tapıb çox dəyərli xəzinə,

Çıxartmaz əlinnən, vurmaz dizinə,

Ləpirin qoy sən də onun izinə,

Hər qətrəyə ümman da pay verən var.

Fərid Abdullah Rəşid 

10.08.2012